近來,香港匯豐銀行 解顧 IT Department 成 120 人,真係不得不叫同行不同業的我心感歎惜。一般行外人看待系統工程師:一、「佢地好得閒㗎。」二、「成日見佢地上網之嘛。」三、「叫佢地整部我機都整咁耐」 (自己亂上網中左毒又唔知)… 等等
作為業界顧問及供應商,待遇其實差唔多,不過方式唔同:一、「睇都未睇就話,你地 D Service 咁貴架…」二、「一定係你地 set firewall 做漏野,而家 (完事隔半年) 新 office vpn 有問題…」三、「你份報價單乜唔係已經包左.a,b,c,d,….z 咩 」(想用1份價錢做30個項目果d)
講到底,就係 IT 界比人感覺無價值。系統可以用到係應該的,但係收慢 2 秒 email 就係 IT 問題。反過來,有無諗過投放了什麼資源比 IT 先?每日都可以順利用到既系統,係因為幕後有人努力既成果,而非必然的。
其實, IT 人/公司 每日都好想努力為 公司/客戶 諗多幾步,例如:改善現有狀況、增加系統效能、減少系統 downtime 的可能性、提供科技資訊….等等。
但基於大多數公司覺得 IT 部門是無生產能力部門,大多數提議方案、新科技、都被擱置。
久而久之,這個生態環境就跌入惡性循環⋯⋯ IT 人係無事發生時就無價值,而有事發生時先會用得著 (你當 IT人 係消防員咩),IT 人/公司的收入漸漸比不上其他行業,當然不能吸引新人入行吧。
我在 IT 界近 20 年時間,眼看香港既資訊科技水平遠低於鄰國,或者就係呢個惡性循環既結果。
點都好,我們應該為仍然在職的工程師們打打氣,畢境你們沒有放棄 IT 既理想,還要不斷學習吸收新技術,保持身價。我本人一直認同這一班「系統 – 網絡 – 數據庫 – 編碼 – 保安 – 佈線 既 工程師」的價值。
// 共勉之 – CubeTech
============================
Silver Cube Group – CubeTech Business Unit.
如果你有企業系統技術既任何查詢,歡迎與我們聯絡:info@silvercube.com.hk | 852-34688111
============================